恒指季檢出結果，青冰貼四隻中了兩隻，恒指加入海底撈(6862)，龍糊(0960)及阿里健康(0241)，沒刪除任何成份股，青冰今天篇文原來都有錯漏，依家先記得恒指公司在未進行諮詢時(8月時)，已經講過可以只加不減，所以今次都算係結果合理，較意外的是內房龍糊，依家本身已經有十隻地產類股份，仲加入去做乜呢，加都唔緊要，就是沒有guts踢走本地地產股，大孖沙果然仍有餘威呀。
國指加入碧桂園服務(6098)及農夫山泉(9633)，咁青冰平時都唔睇國指嘅，沒詳細去研究，所以今早都冇寫到，較令人意外的是竟然踢走了中石油(0857)，嘩呢隻當年叱吒一時的萬億市值油股，最終都敵不過時代變遷。
科指就加入海爾智家(6690)及萬國數據(9698)，踢走四隻，維持返50隻成份股。
至於綜合指數，都係嗰啲啦，自己睇圖，只有一個意外，就是長江生命科技(0775)終於入綜指，可以入港股通了。估綜指加入乜股並唔難，北水買唔買先係重點，先至難估啊。
另一重點係，大家要留意今次加人國指及科指的股份，其實就代表了恒指公司認為佢哋有代表性，所以在恒指改革後，這幾隻股應該都是染藍熱門。
Search